MZ Forum မှာ ညမီးအိမ်တင်ထားတဲ့ Thread ကို ဖောက်သည်ချလိုက်တာပါ

ကျွန်တော်အခုပြောပြမဲ့အကြောင်းအရာကတော့ အင်တာနက်ဆိုင်မှာသုံးတဲ့သူများအတွက်ပါ။ အရေးကြီးလားမကြီးဘူးလားတော့မသိဘူးဗျ။
ကျွန်တော်တို့ Gtalk သုံးပြီး sign out တဲ့အခါ username မှာ ကျွန်တော်တို့အသုံးပြုခဲ့တဲ့နာမည်တွေကိုကျန်ခဲ့မှာဆိုးလို့ လျှောက်ရိုက်ပြီးထွက်တတ်ကြပါတယ်။ (ကျွန်တော်ဆိုရင် username မှာ as password မှာ as နှိပ်ပြီးနောက်လူတွေမမြင်ရအောင်ပိတ်ခဲ့ပါတယ်။)
ကျွန်တော်တစ်နေ့က registery ထဲဝင်ကလိရင်းနဲ့တွေ့သွားတာပါ။ အဲလို as ပေးပြီးပိတ်ခဲ့လဲ registery မှာ Gtalk ကိုဘယ် user တွေသုံးခဲ့လဲဆိုတာပြန်ကြည့်လို့ရတယ်ဗျ။

(အင်တာနက်ဆိုင်မှာလုပ်တဲ့သူများကောင်မလေးချောချောလေး လာသုံးလို့ gtalk သိချင်ရင်လဲကြည့်လို့ရတာပေါ့  ကောင်မလေးများဆိုရင်တော့ကောင်လေးချောချောလေးကိုမှတ်မှာပေါ့နော် ) ကျွန်တော်အခုဒီပိုစ်လေးရေးတာအဲလိုလုပ်ဖို့တော့မဟုတ်ပါဘူးဗျ။ အဲဒါကိုကာကွယ်ဖို့နည်းလေးပါ။ ဒီပိုစ်လေးကိုဖတ်ပြီး ကိုယ့် gtalk ကိုသူများတွေလာကြည့်လို့မရအောင်ကာကွယ်ဖို့သက်သက်ပါ။

ကဲအဲဒါလေးကိုဘယ်လိုကာကွယ်မလဲဆိုတော့။ win+R နှိပ်ပါ။ box ထဲမှာ regedit ရိုက်ထည့်ပါ။ အဲဒီကနေ HKEY_CURRENT_USER==>Software==>Google==>Google Talk==Accounts ကိုထောက်လိုက်ပါ။ ညာဘက်မှာ o ဆိုတာတွေ့ပါမယ်။ အဲဒါကို double Click နှိပ်ပါ။ Value data: အောက်မှာ gtalk သုံးခဲ့တဲ့ username တွေကိုတွေ့ရပါမယ်။ ကိုယ်နာမည်ပါရင်ဖျက်ခဲ့ပေါ့။ ကူညီချင်တယ်ဆိုရင်တော့သူများနာမည်တွေပါဖျက်ပေးခဲ့ရင် ပိုကောင်းတာပေါ့  ။ အဲဒါပြီးရင်မပြီးသေးဘူးဗျ စောစောက Accounts ကိုကြည့်နေတယ်မလား အပေါ်ကအဆင့်ပြီးရင် အဲဒီ +Accounts ဆိုတာရှိတယ်မလား အဲဒီ + လေးကိုနှိပ်လိုက်ပါ။ အဲဒီမှာ ကိုယ်ဝင်ထားတဲ့ Username တွေရှိပါသေးတယ်။ ကိုယ့် Username ပေါ် click ထောက်လိုက်ပါ။ right click==>delete နဲ့ဖျက်လိုက်ပါ။ ဒါဆိုရင်တော့လုံခြုံ(သွားပြီလို့ထင်ပါတယ်  ) သွားပါပြီ။

ကွန်ပျူတာအမြန်နှုန်းမြင့်စေဖို့ လုပ်ဆောင်သင့်သောအချက်များ

၁။ File Indexing ကို Disable လုပ်ထားပါ

ဖိုင်တွေရှာဖွေတဲ့အခါမှာ ပိုပြီး မြန်ဆန်စေဖို့ သုံးတဲ့ windows xp ရဲ့ component တစ်ခုဖြစ်ပါတယ်။ ဖိုင်ရှာဖွေတဲ့အလုပ်ကို ခဏခဏမလုပ်ဘူးဆိုရင်တော့ ပိတ်ထားတာက သင့်တော်ပါလိမ့်မယ်။ Disable လုပ်တဲ့နည်းကတော့

Control Panel>Add/Remove Windows Components မှာ Indexing Service ရှေ့က အမှန်ခြစ် ကလေးကို ဖြုတ်ရုံပါပဲ။

၂။ Start up program တွေကို ဖြုတ်ပစ်ပါ

Start up program ဆိုတာက Windows တက်တက်ချင်း run တဲ့ program ပါ။ အများအားဖြင့် မလိုအပ်တာတွေပဲများပြီး စောင့်နေရတာပဲ ပိုပါတယ်။ အဲဒါတွေကို Disable လုပ်မယ်ဆိုရင်တော့

Start>Run မှာ msconfig လို့ရိုက်ပါ။ ပြီးရင် startup tab ကို နှိပ်ပြီး Disable All ကို နှိပ်ပါ။

တစ်လက်စတည်း Service tab ကိုလည်း နှိပ်ပါ။ Hide All Microsoft Service ရှေ့မှာ အမှန်ခြစ်ပေးပါ။ ကျန်နေတဲ့ service တွေရဲ့ ရှေ့က အမှန်ခြစ်တွေကို ဖြူတ်ပစ်ပါ။ Antivirus service တွေကိုတော့ မဖြုတ်မိပါစနေဲ့။

၃။ Temp Folder ကို အလိုအလျောက်ဖျက်စေဖိုို့

Temporary ဖိုင်တွေဟာ program တွေက လိုအပ်လို့ ဖန်တီးလိုက်ပြီးတဲ့နောက်ပိုင်း ကျန်နေခဲ့တဲ့ မလိုအပ်တဲ့ဖိုင်တွေပဲ ဖြစ်ပါတယ်။ ဒီဖိုင်တွေကို အလိုအလျောက်ရှင်းစေချင်ရင်တော့

Start>Run ကနေ gpedit.msc လို့ ရိုက်ပြီး Enter ခေါက်ပါ။ ပြီးရင် Computer configuration> Administrative Templates> Windows Components> Terminal Services> Temporary Folder အတိုင်း သွားပါ။

ပြီးရင် ညာဘက်မှာ Do Not Delete Temp Folder Upon Exit ပေါ်မှာ Double Click နှိပ်ပြီး Disable ကို ရွေးပါ။ ပြီးရင် OK နှိပ်ပြီး ထွက်လိုက်ပါတော့။

၎။ Virtual Memory တိုးပေးပါ

Virtual Memory ဆိုတာက RAM မလုံလောက်တဲ့အခါ Hard disk ထဲမှာ နေရာတစ်ခုသတ်မှတ်ပြီး Memory အတုအဖြစ် သတ်မှတ်သုံးစွဲတာဖြစ်ပါတယ်။ သင့်ကွန်ပျူတာက RAM ပမာဏများနေရင်တော့ ကိစ္စမရှိပေမဲ့ RAM နည်းနေရင်တော့ Virtual Memory ကို တိုးပေးပါ။ တိုးနည်းကတော့

Start>Run ကနေ sysdm.cpl လို့ရိုက်ပြီး Enter ခေါက်ပါ။ Advanced tab ကို နှိပ်ပါ။ အပေါ်ဆုံးက Setting button ကို နှိပ်ပါ။ Advanced ကို နှိပ်ပါ။ Change ကို နှိပ်ပါ။ initial size text box ထဲမှာ လက်ရှိ RAM ပမာဏရဲ့ ၁.၅ ဆရိုက်ထည့်ပါ။ Maximum size text box ထဲမှာတော့ လက်ရှိ RAM ပမာဏရဲ့ ၃ဆ ရိုက်ထည့်ပါ။ ပြီးရင် Set ကို နှိပ်ပါ။ OK နှိပ်ပြီး ထွက်လိုက်ပါ။

၅။ မလိုအပ်တဲ့Font တွေကို ဖျက်ပစ်ပါ

Program တစ်ခုတင်လိုက်တိုင်း Font တွေ တိုးတိုးသွားတာကို သင်သတိပြုမိရဲ့လား။ Fonts တွေ အများကြီးရှိနေရင် Windows တက်တာကအစ Program တွေ ဖွင့်တာအဆုံး ကြာနေတတ်ပါတယ်။ ဒါကြောင့် မသုံးတဲ့ font တွေကို ဖျက်ပစ်ပါ။ ဖျက်နည်းကတော့

Start>Run ကနေ fonts လို့ရိုက်ပြီး Enter ခေါက်ပါ။ Fonts တွေ ပေါ်လာပါလိမ့်မယ်။ မသုံးတဲ့ font ကို select လုပ်ပြီး Delete Key ကိုသာ နှိပ်လိုက်ပါ။ Windows က သုံးတဲ့ Font တွေ မဖျက်မိတော့ သတိထားပါ။

၆။ Visual Effect တွေကို လျှော့ချပါ

Windows XP မှာ အမြင်လှပအောင်လုပ်ပေးနေတဲ့ Visual Effect တွေကို လျော့ချပေးပါ။ လုပ်နည်းကတော့

Start>Run မှာ sysdm.cpl လို့ရိုက်ပြီး Enter ခေါက်ပါ။ Advaned ကိုနှိပ် အပေါ်ဆုံးက Setting ဆီ သွားပြီး Adjust for best performance ကို ရွေးပေးပါ။ ပြီးရင် OK နှိပ်ပြီး ထွက်လိုက်ပါ။

Open Courseware

ဒီနေ့လို အင်တာနက်ခေတ် အမြဲမပြတ်သင်ယူလေ့လာနေတဲ့ လူ့အဖွဲ့အစည်းထဲမှာ သင့်အနေ နဲ့နောက်ကျကျန်နေလား?...!! ကမ္ဘာ့ထိပ်တန်းတက္ကသိုလ်တွေရဲ့ သင်ခန်းစာတွေက သင့်ဆီကို ပျံသန်းလာနေပါပြီ။ ၂၀၀၁ ခုနှစ်ကစပြီး အမေရိကန် မန်ဆက်ချူးဆက် နည်းပညာတက္ကသိုလ်(MIT) က သူတို့ရဲ့သင်ရိုးတွေကို Online ပေါ်မှ လူတိုင်းသင်ယူလေ့လာနိုင်တဲ့ Open Courseware ဆိုပြီး စတင်မိတ်ဆက်ခဲ့ပါတယ်။ ဝင်ခွင့်တွေ၊ ကန့်သတ်ချက်တွေ ဘာမှမလိုဘဲ ကိုယ်လိုချင်တဲ့ဘာသာကို ရွေးပြီးလေ့လာနိုင်တယ်။ အခုဆိုရင် Undergraduate အတွက် သင်ရိုးပေါင်း ၁၀၀၀ ကျော်ရှိနေပါပြီ်။

ကျောင်းအပ်တဲ့အနေနဲ့လုပ်ရမှာက MIT web site မှာ register လုပ်ရုံပါပဲ။ သင်ခန်းစာတွေမှာ assignmentတွေ၊ projectတွေ လုပ်ရလေ့ရှိပါတယ်။ တချို့သင်ရိုးတွေက စာမေးပွဲတွေဖြေရတယ်။ သင်ခန်းစာရှင်းလင်းချက်တွေကို ဗီဒီယိုဖိုင်တွေ၊ အသံဖိုင်တွေ download ကူးယူပြီးလေ့လာနိုင်တယ်။ တချို့သင်ခန်းစာတွေကတော့ မှတ်စုနဲ့ အမေးအဖြေတွေပဲပေးပါတယ်။ MITတက္ကသိုလ်ပါမောက္ခတွေ ရေးတဲ့ ပြဌာန်းစာအုပ်တွေလဲရှိတယ်။ Simulations (သရုပ်ပြပရိုဂရမ်)တွေ၊ Power Point presentation တွေနဲ့လဲ ရှင်းလင်းထားပါတယ်။ ကျောင်းသားအချင်းချင်းတိုင်ပင်ဆွေးနွေးဖို့ကိုလဲ discussion groupတွေနဲ့ လုပ်လို့ရတယ်။ OCW သင်ရိုးတွေက ဘွဲ့ ချီးမြှင့်မှာမဟုတ်ကြောင်းကိုတော့ ပြောထားပါတယ်။

အခုဆိုရင် MIT အပြင် တခြားနေရာတွေမှာလဲ OCW လှုပ်ရှားမှုတွေရှိနေပါပြီ။ OCW လေ့လာနိုင်တဲ့နေရာတွေကတော့…….
http://ocw.mit.edu (Massachusetts institute of Technology OCW)
http://ocw.usu.edu (Utah State University OCW)
http://ocw.jhsph.edu (Johns Hopkins School of Public Health OCW)
http://ocw.tufts.edu (Tufts University OCW)
http://ocw.fhda.edu (Foothill – De Anza Community College SOFIA)
http://ocw.cmu.edu/oli/ (Carnegie Mellon Open Learning Initiative)

MIT ကသင်ရိုးတွေကို တရုတ်၊ ဂျပန်နဲ့ တခြားဘာသာတွေကိုလည်း ပြန်ဆိုထားပါတယ်။ Open Courseware တွေကို ကျောင်းသူကျောင်းသားတွေအပြင် ဆရာ၊ဆရာမတွေလည်း ကိုးကားဖို့ ခွင့်ပြုထားပါတယ်။ Open Courseware နည်းတူတခြားအဖွဲ့အစည်းတွေကလည်း Open Educational Resources၊ Development Gateway ဆိုပြီး knowledgeတွေကို shareလုပ်ထားတာ တွေလဲရှိပါသေးတယ်။ topics.developmentgateway.org, www.dgfoundation.org တို့မှာလေ့လာ နိုင်ပါတယ်။

Windows Recovery System

Computer ပြုပြင်သူများ၊ Service စင်တာများ မဖြစ်မနေသုံးရတော့မည့် နည်းပညာတစ်ခု ပေါ်ထွန်းလာပါပြီ။
Windows Recovery စနစ်ကို ဟိုးအရင်ကတည်းက ကွန်ပျူတာဂျာနယ်မှာ ကာတွန်းပုံလေးနဲ့ ကြော်ငြာလေး ပါကတည်းက သတိထားမိတာပါ။ ဒါပေမဲ့ ဘယ်လိုလုပ်တယ်ဆိုတာ တွေးလို့မရဘူး။ သူတို့က CD ခွေ သုံးရတယ်ဆိုတာပါတော့ သိပ်လည်း အထူး စိတ်မ၀င်စားမိပါဘူး။ အလုပ်ရှုပ်တာကိုး။ ဒါပေမဲ့ ဟိုတစ်လောက မန္တလေး Alpha က Windows ကို Recovery လုပ်ပေးတယ်။ ဘာ CD ခွေမှ မလိုဘူးလို့ ကြော်ငြာတော့မှ အတော်လေးကို စိတ်ဝင်စားသွားမိပါတယ်။
သူငယ်ချင်းတစ်ယောက်ကလည်း အဲဒီကြော်ငြာလေးကိုကြည့်မိပြီး အဲဒါဘယ်လိုလုပ်တာလည်းလို့ လာမေးပါတယ်။ ကျွန်တော်လည်း လုံးဝမစမ်းဘူးသေးမဲ့ ဖြစ်နိုင်ချေရှိတာလေးကို တွေးမိတယ်။ တကယ်တမ်းတော့ backup လုပ်တာပဲ ဖြစ်ရမယ်။ OS တင်ထားတဲ့ Partition ကို backup လုပ်တာဖြစ်ရမယ်။ ပြီးတော့ အဲဒီဖိုင်ကို တခြားလုံခြုံတဲ့နေရာမှာ သွားသိမ်းထားတာ ဖြစ်လိမ့်မယ်။ Windows တစ်ခုခုဖြစ်ရင် Windows မတက်ခင် Restore လုပ်တဲ့ Program တက်လာပြီး Restore ပြန်လုပ်လိုက်လို့ OS ပြန်ကောင်းသွားတာ ဖြစ်ရမယ်။ ဒါပေမဲ့ Backup လုပ်ပြီးနောက်ပိုင်း တင်ထားတဲ့ Program တွေကိုတော့ သိမ်းရမှာ မဟုတ်ဘူးလို့ ပြောမိပါတယ်။
စိတ်ထဲမှာတော့ Program တစ်ခုခုကို သုံးတာဖြစ်ရမယ်လို့ တွေးထားပါတယ်။ ဒါကြောင့် အင်တာနက်ထဲမှာ ရှာကြည့်ပေမဲ့ ရှာလို့မတွေ့ဘူး။ တွေ့တဲ့ဟာတွေကလည်း ဘာတွေမှန်းကို မသိပါဘူး။ ဒီလိုနဲ့ တစ်ရက်မှာ ကိုယ် Hard Disk Clone ရိုက်ရင် သုံးနေကျ Acronis True Image ကို အသေးစိတ်လေ့လာကြည့်တော့မှ သူ့ထဲမှာ Windows Recovery ပုံစံမျိုးလေး ပါတာကို တွေ့လိုက်တယ်။ အဲဒီတော့မှ တော်တော်လေးကို ခံပြင်းသွားတယ်။ ဘယ့်နှယ် ကိုယ်ဖင်ခုထိုင်ထားတာကို ရွှေထုပ်မှန်း မသိတာကိုး။
နည်းလေးတွေ့တော့ ထုံးစံအတိုင်း Share လုပ်ချင်တယ်။ ဒါပေမဲ့ ဒီနည်းက တော်ရုံတန်ရုံမဟုတ်ဘူး။ အစတုန်းကတော့ သူများတွေလည်း ထိခိုက်ကုန်မှာမို့ မတင်တော့ဘူးလို့ကို ဆုံးဖြတ်ထားတာပါ။ ဒါပေမဲ့ aungthu2006@gmail.com ညှော်တာနဲ့ တင်ရတော့မှာပါ။ Alpha ကတောင် ဒီနည်းလေးကို ဖွက်ထားပြီး ကြော်ငြာတွေလုပ်၊ စီးပွားရေးလုပ်စားနေတာ။ အဲဒါကြောင့် အသေးစိတ်ကိုတော့ မပြောတော့ပါဘူး။ သုံးရမဲ့ Program နဲ့ Concept လေး နည်းနည်းပဲ ပြောပါတော့မယ်။ ခွင့်လွှတ်နော်။ ပြီးတော့ ဒါတွေဟာ သာမန် user တွေအတွက် ခက်ခဲမှာမို့ Advanced User သမားတွေ အတွက်ပဲ ရည်ရွယ်တာလည်း ပါပါတယ်။ ဆရာသမားတွေအတွက် အသေးစိတ်သိစရာမလိုဘူး ထင်ပါရဲ့။

ပထမဆင့်
အကောင်းဆုံးကတော့ Format ချ၊ Windows ပြန်တင်လိုက်ပါ။ ပြီးရင် Driver လောက်ပဲတင်ပါ။ Program တွေကိုတော့ မတင်စေချင်ဘူး။ Backup Size ကြီးသွားမှာ မို့လို့ပါ။

ဒုတိယဆင့်
Acronis True Image CD ကို Active ကနေ ၀ယ်လိုက်ပါ။ Install လုပ်ပါ။ သူ့ထဲမှာ Boot ခွေ Burn တဲ့ Function ပါပါတယ်။ အဲဒါကို သုံးပြီး Boot ခွေလုပ်ပါ။ ပြီးရင် အဲဒါနဲ့ Boot တက်ပါ။

တတိယဆင့်
Boot ခွေနဲ့ တက်ပြီးရင် True Image အလိုလိုတက်လာပါလိမ့်မယ်။ သူ့ Interface ပေါ်မှာ Backup ကို ရွေးပါ။ OS Partition ကို ရွေးပါ။ ပြီးရင် Backup လုပ်ပါ။ ဒီနေရာမှာ အရေးကြီးတာ တစ်ခုရှိပါတယ်။ အဲဒီ Backup File ကို ဘယ်နားမှာ သွားထားမလဲဆိုတဲ့ ကိစ္စပါပဲ။ Data Partition မှာ သွားထားလို့ ရပေမဲ့ ကိုယ့် PC က Public သုံးတာဆိုရင် အဲဒီဖိုင် ပျက်သွားမှာ နည်းနည်းစိုးရိမ်ရပါတယ်။ အဲဒီအတွက် True Image က Secure Zone ဆိုတာကို ဖန်တီးခွင်းပေးထားပါတယ်။ Secure Zone က Virtual Partition တစ်ခုဖြစ်ပြီး OS ကတောင် Access လုပ်နိုင်ခွင့်မရှိတဲ့ Partition ပါ။ အဲဒီ Partition ကို ဖန်တီးပြီး အဲဒီထဲမှာ Backup File ထည့်ရင် အကောင်းဆုံးပါ။ ဒါပေမဲ့ Secure Zone ဖန်တီးလိုက်ပြီဆိုရင် True Image က HDD ရဲ့ MBR မှာ သူရဲ့ Program Path သွားထည့်ပြီး Windows တက်တိုင်း True Image နဲ့ Recovery လုပ်မယ်ဆိုရင် F11 နှိပ်ပါဆိုတဲ့ စာတန်းကြီး အမြဲတမ်းပေါ်နေပါလိ့မယ်။ ဒါဟာ သုံးစွဲသူတွေအတွက် မျက်စိနောက်စရာဖြစ်နိုင်သလို ကိုယ်သုံးတဲ့ Program ရဲ့ နာမည်ကို တစ်ပါးသူမသိစေလိုတဲ့သူတွေအတွက် အဖြေထုတ်ပေးထားသလို ဖြစ်နေနိုင်ပါတယ်။ ကျွန်တော်ကတော့ Data Partition ထဲမှာ သွားထည့်ပါတယ်။

စတုတ္ထဆင့်
ဒါဆိုရင် Backup လုပ်ငန်းစဉ် ပြီးဆုံးသွားပါပြီ။ Customer ကို ပေးလိုက်လို့ ရပါပြီ။ နောက်ပိုင်း သူတစ်ခုခုဖြစ်လို့ Service ခေါ်ရင် အစောက Boot ခွေသုံးပြီး Restore ပြန်လုပ်ပေးလိုက်ပါ။ စမ်းသပ်ချက်အရ 10 မိနစ်နီးပါးသာ ကြာမြင့်ပါတယ်။

အပိုလုပ်ဆောင်ချက်များ
အဲဒီ True Image မှာ Incremental Backup ဆိုတာ ပါပါသေးတယ်။ အပေါ်က ပုံစံအတိုင်းသာ Restore လုပ်မယ်ဆိုရင် ကျွန်တော်တို့ Backup လုပ်ခဲ့တုန်းက ပုံစံကိုပဲ ပြန်ရောက်သွားမှာပါ။ Customer တွေ အနေနဲ့ကျ သူတို့သုံးစွဲခဲ့တဲ့ နောက်ဆုံး အခြေအနေကို ပြန်လိုချင်မှာပဲ။ အဲဒီအတွက် Incremental Backup ကို On ထားလိုက်ပါ။ True Image က user က setting, data တစ်ခုခု အသစ်ထည့်တိုင်း၊ ပြောင်းလဲတိုင်း backup ထဲကို အလိုလို သွားရေးပါလိ့မ်မယ်။ ဒါပေမဲ့ ကျွန်တော်ကတော့ လုံးဝ မကြိုက်ပါဘူး။ Space ယူလွန်းတာရယ်၊ Windows Speed နှေးသွားတာရယ်ကြောင့်ပါ။

Protocol များအကြောင်း

website လိပ်စာတစ်ခုကို ကြည့်မယ်ဆိုရင် ဥပမာ - http://www.google.com အဲဒီလိပ်စာမှာ ရှေ့က http ဆိုတာက hyper text rtansfer protocol ရဲ့ အတိုကောက်ဖြစ်ပါတယ် ။ protocol ဆိုတာက a set of rules and formats လို့ပြောကြပါတယ် ။ စည်းမျဉ်းစည်းကမ်းတွေကိုစုစည်းထားခြင်း လို့ပြောနိုင်ပါတယ် ။ ဘယ်လိုစည်းမျဉ်းစည်းကမ်းတွေလည်းဆိုရင်တော့ data အပို့အယူ လုပ်တဲ့အခါမှာ လိုက်နာရမယ့်စည်းမျဉ်းစည်းကမ်းတွေကို ပြောတာပါ ။

protocol ပေါင်းမြောက်မြားစွာရှိပါတယ် ။ အင်တာနက် website တွေကိုကြည့်တဲ့အခါမှာသုံးရတဲ့ protocol က http ပါ။ hyper text transfer protocol ဆိုတော့ hyper text များပြောင်းရွေ့သယ်ယူရာတွင် သုံးရသော protocol ပေါ့။ hyper text ဆိုတာက ရိုးရိုး text တွေမဟုတ်ဘဲ link ပါတဲ့စာသားတွေကို hyper text လို့ခေါ်ပါတယ် ။ အားလုံးသိတဲ့အတိုင်း webpage တိုင်း webpage တိုင်းမှာ link ပါတဲ့ text တွေရှိတာပဲမဟုတ်လား။

http ပြီးတော့ အခုနောက်ပိုင်း အသုံးများလာတဲ့ protocol ကတော့ https ပါ။ https ရဲ့အရှည်က hyper text transfer protocol over secure socket layer (ssl) ပဲဖြစ်ပါတယ် ။ ssl ပါတဲ့ http ပါ ။ ssl က ဘာလုပ်ပေးနိုင်သလဲဆိုတော့ encryption/decryption လုပ်ပေးနိုင်ပါတယ်။ encrypt လုပ်တယ်ဆိုတာက မြန်မာလိုပြောရင် ၀ှက်စာလုပ်တာပေါ့ ။ ဥပမာ ကွန်ပျုတာ A ကနေ ကွန်ပျုတာ B ဆီကို abc ဆိုတဲ့စာသားလေးကိုပို့မယ်ဆိုပါစို့။ ဒီအတိုင်းရိုးရိုးတန်းတန်းပို့မယ်ဆိုရင် ကွန်ပျုတာ A ကနေ ကွန်ပျုတာ B ဆီကို မရောက်ခင်ကြားမှာ တတ်တဲ့သူတစ်ယောက်က ခိုးယူလို့ရပါတယ်။ encrypt လုပ်ပြီးပို့မယ်ဆိုရင် ခိုးယူ၍ရခဲ့ရင်တောင်မှ ဖက်လို့ရမှာမဟုတ်တော့ပါဘူး။ abc လို့တိုက်ရိုက်မပို့ပဲ abc ဆိုတဲ့စာလုံးသုံးလုံးကြားမှာ 123 ထည့်ပြီး ပို့မယ်၊ ဒါဆိုရင်a1b2c3ဖြစ်သွားပြီ။ ပြီးတော့မှ ကွန်ပျုတာ B ကို မင်းငါပို့တဲ့ data ရတဲ့အခါမှာ 123 ကိုဖယ်ပြီးမှ လက်ခံလို့ပြောထားလိုက်မယ်။ ကြားကနေဖောက်တဲ့သူကတော့ a1b2c3 ဆိုတာကို နားလည်မှာ မဟုတ်တော့ဘူး။ ဒါက ဥပမာ အနေနဲ့ပြောတာပါ ။ တကယ်တမ်း encrypt လုပ်နည်းများစွာရှိပြီး အဲဒီ encrypt ကိုပြန်လည်ဖြည်ခြင်း decrypt လုပ်ဖို့ရာ အတော်ခက်ခဲပါတယ်။

့https protocol ကို login လုပ်ရတဲ့ website တွေမှာ အသုံးများပါတယ်။ user တွေ ရိုက်ထည့်တဲ့ login name နဲ့ password တွေ လုံခြုံမှုရှိစေဖို့ ဖြစ်ပါတယ်။ Gmail ဟာ https ကိုသုံးပါတယ်။ ဒါကြောင့် ကျွန်တော်တို့ ရိုက်ထည့်လိုက်တဲ့ username နဲ့ password ကို ကြားကနေ ခိုးယူလို့မရနိုင်ပါဘူး။

နောက် Internet မှာ အသုံးများတဲ့ protocol ကတော့ ftp ပါပဲ။ file transfer protocol ဖြစ်ပါတယ်။ ဖိုင်တွေ ရွေ့ပြောင်းလို့ရအောင် အထူးတလည် တီထွင်ထားတဲ့ protocol ပါ။ website တိုင်းကို ftp နဲ့ access လုပ်လို့ရပါတယ်။ ftp://www.google.com ပေါ့။ ဒါပေမယ့် အဲဒီ ftp ကိုသုံးတဲ့အခါမှာ authorized person မှကြည့်လို့ရပါလိမ့်မယ်။ free ဖွင့်ပေးထားတဲ့ ftp site တွေလည်း ရှိပါတယ်။ ftp နဲ့ site တွေကို ကြည့်တဲ့အခါမှာ စာတွေပုံတွေကိုမြင်ရမှာမဟုတ်ဘဲ PC မှာ My Computer ကိုဖွင့်လိုက်သလိုမျိုး file တွေ folder တွေကိုပဲမြင်ရမှာပါ။

နောက်ကျန်သော Protocol များအကြောင်းကို ရေးသားသွားပါဦးမည်။
ကတိဝန်ခံချက်
http://servena.myanmarbloggers.orgဖြစ်သည်